Мектеп тарихы.
1903 жылы Қызыл Шын ауылында 5-6 отбасы қоныстанды. Отбасыларда балалар болды. Рябчинский өз үйін сабақ өткізу үшін ұсынды. Осылайша біздің мектептің тарихы басталды. 1910 жылы алғашқы мектеп ғимараты салынды, оқу - тегін, ал барлығы 3 сынып болды. Пески ауылындағы алғашқы мұғалім Екатерина Ивановна Сковпень - сауатты, өз ісіне шексіз берілген адам, көптеген шәкірттерінің жүрегінде жақсы із қалдырды. Мектептің алғашқы жылдарында жұмыс істеу оған қиындық туғызғанымен , алтын жүрегі мен балаларды оқытуға деген талпынысы арқасында ол көп нәрсеге қол жеткізді.
1913-1930 жылдар. Тарих парақтарын ашып қарасақ, 1913 жылы шаруа адамдардың қаражатына Пески приходтық мектебі салынғанын білеміз. Көптеген қиындықтарға қарамастан, мектеп толыққанды жұмыс істеп тұрған, осыдан біз білім алу мен оқытуға деген ұмтылыс өте үлкен болғандығын аңғарамыз. 1927 жылы мектеп барлық оқушыларды сыйдыра алмай, бұрынғы шіркеу ғимаратына көшті. Оқушылар сол уақытта «Мектеп және жаңа ауыл» деп аталған әріп таныту кітапшасымен оқыды. Ал үлкендер кешкі уақытта ЛИКБЕЗ-ге қатысып, білім алды.
Уақыт зымырап өтеді. Соғысқа дейінгі 1930-1940 жылдары біздің мектеп бастауыш мектеп болып атала бастады. 60 оқушы күн сайын үлкен қызығушылықпен мектепке барып жүрді. Балаларға әсіресе көрнекі құралдар, оқулықтармен жұмыс істеу, дәптерлерге жазу ерекше қызығушылық тудырды.
Бұл жылдары Варвара Тимофеевна Кухаренко, Мария Сидоровна Воцке, Мирный Василий Иванович, Екатерина Яковлевна және Михаил Пантелеевич Каряка білім алды.
Қиын әскери жылдары Пескиге Поволжьеден қоныс аударушылардың ағыны көптеп келді. Мектептегі оқушылар саны күрт өсіп, үш есеге жуық артты. Қырықтар – дауылды жылдар мәңгілікке сол уақыттың оқушыларының жадында сақталды. Балалар егіс даласында жұмыс істеді, ұлдар ер адамдардың орнын алмастырса, қыздар тоқыма тоқып, майданға хаттар жазды. Олардың оқуға немесе оқымауға күмәндары болмады. Олар жұмыс істеп те, оқып та жүрді.Бугаёв Василий Павлович, Захоба Николай Артемьевич, Горяйнова Мария Фёдоровна, Усенко Фёдор Максимович, Емец Иван, Алексеенко Александр Иванович- соғыстан кейінгі жылдардың оқушылары болды. Мұғалімдер қатарында Анащенко Михаил Алексеевич, Подгорная Евдокия Ивановна жұмыс істеді.
Соғыстан кейінгі жылдар қиын, ауыр болды. Ел қирандылардан қалпына келіп жатты. Өмір өзгеріп, осы өзгерістер біздің ауылды да қамтыды. Енді Пески мектебі жеті жылдық мектепке айналды. Онда барлығы 3 сынып бөлмесі болды. Сыныптардың тығыздығынан сабақтар екі кезекте, тіпті дәлізде де өткізілетін. Жаңа мектеп салуға деген қажеттілік туындады. Бұл ұрпақтың өкілдері бүгінде де аман-есен өмір сүруде: Заболотная Анна Григорьевна, Лих Александр Адамович, Коваленко Анна Владимировна, Лих Иван Адамович.
Сегіз жылдық мектеп болып қайта құрылғаннан кейін, оқу жаңа ғимаратта жалғасын тапты. Мектеп ұжымында тамаша мұғалімдер жұмыс істеді: Сударева Вера Фёдоровна, Антонова Анна Васильевна. Ұзақ жылдар бойы мектепті қажырлы, энергияға толы Педченко Александр Иванович басқарды. Ол туралы әлі күнге дейін «ол мектептің нағыз иесі болды» деп айтылады.
Оның директорлық жылдары мектеп ауласында керемет мектеп бақшасы салынды, қояндар өсірілген ферма жұмыс істеді, еңбек сабақтары үшін оқу шеберханалары ашылды. Сол кездегі ұрпақ мектеп бақшасында өз еңбектерінің нәтижесінен алған қанағаттанушылықтарын ерекше махаббат пен таңданумен еске алады. Күзде мектеп алдында үлкен астық мерекесі өткізілетін, онда әр баланың еңбегі лайықты бағаланып, марапатталатын. Оның директорлық кезеңінде мектеп оқушылары мектеп шеберханаларында қызығушылықпен жұмыс істеді.
1970-1980 жылдар мектеп тарихында маңызды кезең болды, өйткені 1972 жылы жаңа мектеп ғимараты, сол уақытта «қосымша ғимарат» деп аталған, пайдалануға берілді. Осы жылдары мектепте педагогикалық шеберліктерін үнемі жетілдіріп, әдістемелік күндер мен аудандық ауқымдағы іс-шараларды ұйымдастырған мұғалімдер ұжымы жұмыс істеді. Ұжымның негізін қалағандар: Гаврилова Е.И., Антонов А.Г., Симонова Н.В., Гавриленко Н.А., Ковалёва М.Я. – мектеп директоры. 1981 жылы мектеп орта мектеп мәртебесін алып, Пескиорта мектебі деп атала бастады. Мектепте талантты жастар еңбек етті: Хафизова Р.Ф., Хохлова А.В., Лаптева И.А., Мынбаева Н.Т. Жанында тәлімгерлер болды: Заболотная А.Г., Симонова Н.В., Кукса А.С. Мұғалімдер арасында Езовских, Заболотных тәрізді династиялар пайда болды. Мұғалімдер ауылда көркемөнерпаздар шараларына белсене қатысқан. Мерекелерге халыққа арналған жарқын, сәнді костюмдермен көріністер даярлайтын. Бұл кезең оқушыларға пионерлік алауларды, «Зарница» ойынын, совхоз спорт залындағы дене шынықтыру сабақтарын еске салды. Мұғалімдерге астық жинау, егін жинау жұмыстарына қатысуға тура келетін. Дәл осы кезеңде мұғалімдер мен совхоз басшылығының тығыз ынтымақтастығы қалыптасты. Совхоз директоры Николай Иванович Стадник – осы жылдары біздің мектепке қолдау көрсеткендердің бірі. Мектепте оқушылар патрульдері мен тимуровтық командалар жұмыс істеді. Мұғалімдер ұжымына осы жылдары Ковалёва М.Я. мен Езовских С.А. жетекшілік етті.
1990-2003 жылдары мұғалімдер мен оқушылар аудандық шараларға белсене қатыса бастады: көркемөнерпаздар байқауы, КТА, «Жыл мұғалімі» конкурсы, дәстүрлі «Табиғат сыйы» көрмесі. Осы жылдары мектеп директорлары болып Тайшабаева А.Ж. мен Сергеева С.И. жұмыс істеді. Тайшабаева А.Ж-ның жеке қасиеттері – ынта,жігер, энергия, бастамашылдық, юмор сезімі, сонымен бірге адалдық пен талапшылдық 90-жылдардағы ұжымға айтарлықтай әсер етті.
2003-2020 жылдар аралығында көпшіліктің арманы орындалды – жаңа мектеп ғимараты салынды. ТОО «АЗКО» бас директоры Азрапкин В.Н. мектеп жобасын жасау үшін 1 миллион теңге бөлді, ал 2010 жылы жаңа мектеп ғимараты пайдалануға берілді.
Жаңа мектеп заманауи жабдықтармен толықтырылған, бүгінгі күннің талаптарына сай. Мектепте екі компьютерлік сынып, мультимедиялық кабинет, голландиялық жабынмен жабдықталған спортзал, 100 орынды асхана, лингафондық кабинет, 170 орындыакт залы, оқу залы бар кітапхана, 50 орынды «Алтын бесік» шағын орталығы бар . Мұғалімдер мен оқушылар ұжымы жоғары жұмыс қабілеттілігімен, үйлесімділігімен, шығармашылық тұрғыдан жұмыс істеуімен ерекшеленеді, бұл аудандық және облыстық байқауларға қатысып, жүлделі орындар алуға мүмкіндік береді.
Ұжымның басшысы – Ашимова Н.Т.
